FEDRO, Fab. I, 5

La vaca, la cabra, la oveja y el león.

Numquam est fidelis cum potente societas:
testatur haec fabella propositum meum.
Vacca et capella et patiens ovis iniuriae
socii fuere cum leone in saltibus.
Hi cum cepissent cervum vasti corporis,
sic est locutus partibus factis leo:
«Ego primam tollo, nominor quoniam leo;
secundam, quia sum fortis, tribuetis mihi;
tum, quia plus valeo, me sequetur tertia;
malo adficietur, si quis quartam tetigerit».
Sic totam praedam sola improbitas abstulit.

Notas:
Fuere: fuerunt.
Malo: sustantivo, de malum, mali.
Si quis quartam tetigerit: condicional real con futuro perfecto que se traduce por presente en castellano: “si alguien toca la cuarta”.

Objetivos:
Valores de CUM

FEDRO, Fab. II, 7

Fábula de los dos mulos.

Muli gravati sarcinis ibant duo:
unus ferebat fiscos cum pecunia,
alter tumentis multo saccos hordeo.
Ille onere dives celsa cervice eminens,
clarumque collo iactans tintinabulum;
comes quieto sequitur et placido gradu.
Subito latrones ex insidiis advolant,
interque caedem ferro ditem sauciant:
diripiunt nummos, neglegunt vile hordeum.
Spoliatus igitur casus cum fleret suos,
'Equidem' inquit alter 'me contemptum gaudeo;
nam nil amisi, nec sum laesus vulnere'.
Hoc argumento tuta est hominum tenuitas,
magnae periclo sunt opes obnoxiae.

Notas:
tumentis = tumentes
contemptum (esse)
periclo = periculo

Objetivos:
Oraciones de infinitivo con sujeto propio.

FEDRO, Fab. IV, 3

La zorra y las uvas

Fame coacta vulpes alta in vinea
uvam appetebat summis saliens viribus;
quam tangere ut non potuit, discedens ait:
"Nondum matura est; nolo acerbam sumere".
Qui facere quae non possunt verbis elevant,
ascribere hoc debebunt exemplum sibi.

Objetivos:
Oraciones de falso relativo.
Oraciones de relativo sustantivadas.