SALUSTIO, Bellum Cat. 5, 1-5, 15, 1 y 5

Retrato de Catilina.

L. Catilina, nobili genere natus, fuit magna vi et animi et corporis, sed ingenio malo pravoque. Huic ab adulescentia bella intestina, caedes, rapinae, discordia civilis grata fuere, ibique iuventutem suam exercuit. Corpus patiens inediae, algoris, vigiliae supra quam cuiquam credi­bile est. Animus audax, subdolus, varius, cuius rei libet simulator ac dissimulator, alieni adpetens, sui profusus, ar­dens in cupiditatibus: satis eloquentiae, sapientiae parum. Vastus animus immoderata, incredibilia, nimis alta semper cupiebat…
Iam primum adulescens Catilina multa nefanda stupra fecerat, cum virgine nobili, cum sacerdote Vestae, alia huiuscemodi contra ius fasque… Namque animus impurus, dis hominibusque infestus, neque vigiliis neque quietibus sedari poterat; ita conscientia mentem excitam vastabat. Igitur color ei exsanguis, foedi oculi, citus modo, modo tardus incessus; prorsus in facie vultuque vecordia inerat.

Notas:
Fuere = fuerunt
cuius rei libet = cuiuslibet rei: de cualquier cosa

Objetivos:
Valores de los casos: ablativo de cualidad, genitivo complemento de adjetivos, genitivo partitivo, dativo posesivo
El retrato en Salustio

SALUSTIO, Bellum Iugurth. 6, 1

Retrato de Yugurta

Qui ubi primum adolevit, pollens viribus, decora facie, sed multo maxume ingenio validus, non se luxu neque inertiae corrumpendum dedit, sed, uti mos gentis illius est, equitare, iaculari, cursu cum aequalibus certare et, cum omnis gloria anteiret, omnibus tamen carus esse; ad hoc, pleraque tempora in venando agere, leonem atque alias feras primus aut in primis ferire, plurimum facere, minimum ipse de se loqui.

Notas:
Ubi primum: tan pronto como
Maxume: maxime
Omnis: omnes
Corrumpendum: para ser corrompido (no se dejó corromper por…)

Objetivos:
Traducción de infinitivos históricos.
Valores participio de futuro
Gerundio con ablativo y preposición